apne saare raaste andar ki jaanib moD kar — Bushra Ejaz

mire nukta-daan tiraa fahm apni misaal hai
main huun ek saada savaal koi javaab de

— Bushra Ejaz

jab raakh se uTThegaa kabhi ishq kaa shoala
phir paaegi ye khaak shifaa aur tarah ki

— Bushra Ejaz

shab bhi hai vahi ham bhi vahi tum bhi vahi ho
hai ab ke magar apni sazaa aur tarah ki

— Bushra Ejaz

miri apni aur us ki aarzu mein farq ye thaa
mujhe bas vo use saaraa zamaana chaahiye thaa

— Bushra Ejaz

apni anaa ki aaj bhi taskin ham ne ki
ji bhar ke us ke husn ki tauhin ham ne ki

— Iqbal Sajid

kyon tasavvur mein ji rahaa huun main
jab haqiqat mein mar hi jaanaa hai

— Divyansh Rawat

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha

ghurur bhi jo karun main to aajizi ho jaae
khudi mein lutf vo aae ki be-khudi ho jaae

— Riyaz Khairabadi

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham

— Wali Aasi

jab talak shisha rahaa main baar-haa toDaa gayaa
ban gayaa patthar to sab ne devtaa maanaa mujhe

— Shams Deobandi