ai 'fanaa' meri mayyat pe kahte hain vo — Fana Bulandshahri

is jahaan mein nahin koi ahl-e-vafaa
ai 'fanaa' is jahaan se kinaaraa karo

— Fana Bulandshahri

aaghaaz to achchhaa thaa 'fanaa' din bhi bhale the
phir raas mujhe ishq kaa anjaam na aayaa

— Fana Bulandshahri

uThaa parda to mahshar bhi uThegaa dida-e-dil mein
qayaamat chhup ke baiThi hai naqaab-e-ru-e-qaatil mein

— Fana Bulandshahri

kyaa bhuul gae hain vo mujhe puchhnaa qaasid
naama koi muddat se mire kaam na aayaa

— Fana Bulandshahri

tamaam hosh ki duniyaa nisaar hai us par
tiri gali mein jise niind aa gai hogi

— Fana Bulandshahri

na dair mein na haram mein jabin jhuki hogi
tumhaare dar pe adaa meri bandagi hogi

— Fana Bulandshahri

ye jafaaon ki sazaa hai ki tamaashaai hai tu
ye vafaaon ki sazaa hai ki pae-daar huun main

— Hamid Mukhtar Hamid

mere baa'd vafaa kaa dhokaa aur kisi se mat karnaa
gaali degi duniyaa tujh ko sar meraa jhuk jaaegaa

— Qateel Shifai

kuchh to majburiyaan rahi hongi
yuun koi bevafaa nahin hotaa

— Bashir Badr

taazgi hai sukhan-e-kuhna mein ye baad-e-vafaat
log aksar mire jiine kaa gumaan rakhte hain

— Imam Bakhsh Nasikh

apni kashti kaa hai khudaa haafiz
pichhe tufaan hai saamne girdaab

— Meer Mehdi Majrooh

is qadar musalsal thiin shiddatein judaai ki
aaj pahli baar us se main ne bevafaai ki

— Ahmad Faraz