uThaa parda to mahshar bhi uThegaa dida-e-dil mein — Fana Bulandshahri

is jahaan mein nahin koi ahl-e-vafaa
ai 'fanaa' is jahaan se kinaaraa karo

aaghaaz to achchhaa thaa 'fanaa' din bhi bhale the
phir raas mujhe ishq kaa anjaam na aayaa

ai 'fanaa' meri mayyat pe kahte hain vo
aap ne apnaa vaada vafaa kar diyaa

kyaa bhuul gae hain vo mujhe puchhnaa qaasid
naama koi muddat se mire kaam na aayaa

tamaam hosh ki duniyaa nisaar hai us par
tiri gali mein jise niind aa gai hogi

na dair mein na haram mein jabin jhuki hogi
tumhaare dar pe adaa meri bandagi hogi

main baDaa ho gayaa huun magar bachpanaa
mere dil se kabhi bhi gayaa hi nahin

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

na ho ehsaas to saaraa jahaan hai be-his-o-murda
gudaaz-e-dil ho to dukhti ragein milti hain patthar mein

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

'saif' andaaz-e-bayaan rang badal detaa hai
varna duniyaa mein koi baat nai baat nahin

haan nukta-varo laao lab-o-dil ki gavaahi
haan naghmagaro saaz-e-sadaa kyuun nahin dete