shahr mein ham saa bhi nahin koi — Farzana Naz

ik maasum parinda hai dil
un aankhon mein jaal hai saahab

ye tasavvur hi jaan levaa hai
vo kisi aur kaa hai meraa nahin

mujh pe aasaan ho gayaa thaa vo
vo bhi urdu mein baat kartaa thaa

ik hamaari sadaa thi is ban mein
lo ji khaamosh ho gae ham bhi

hijrat mujh se lipaT gai hai
paanv mein kitne aur safar hain

hain udaasi ke aur bhi asbaab
mujh ko teraa malaal thoDi hai