ik hamaari sadaa thi is ban mein — Farzana Naz

ik maasum parinda hai dil
un aankhon mein jaal hai saahab

ye tasavvur hi jaan levaa hai
vo kisi aur kaa hai meraa nahin

mujh pe aasaan ho gayaa thaa vo
vo bhi urdu mein baat kartaa thaa

hijrat mujh se lipaT gai hai
paanv mein kitne aur safar hain

shahr mein ham saa bhi nahin koi
ik vahi be-misaal thoDi hai

hain udaasi ke aur bhi asbaab
mujh ko teraa malaal thoDi hai

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

ye aansu ponchh lijiye aur muskuraaiye
chaara nahin hai koi bhi rukhsat kiye baghair

husn jalva dikhaa gayaa apnaa
ishq baiThaa rahaa udaas kahin

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

main ne apni palkon par gham-kade sajaae hain
aarzu ke maatam mein sogvaar hasti hai