aap kyaa aae ki rukhsat sab andhere ho gae — Hakeem Nasir

ye dard hai hamdam usi zaalim ki nishaani
de mujh ko davaa aisi ki aaraam na aae

jab se tu ne mujhe divaana banaa rakkhaa hai
sang har shakhs ne haathon mein uThaa rakkhaa hai

pattharo aaj mire sar pe baraste kyuun ho
main ne tum ko bhi kabhi apnaa khudaa rakkhaa hai

ghar mein jo ik charaagh thaa tum ne use bujhaa diyaa
koi kabhi charaagh ham ghar mein na phir jalaa sake

aasaan kis qadar hai samajh lo miraa pata
basti ke baad pahlaa jo viraana aaegaa

vo mujhe chhoD ke ik shaam gae the 'naasir'
zindagi apni usi shaam se aage na baDhi