kyaa khabar meraa safar hai aur kitni duur kaa — Hameed Naseem

dekhte dekhte teraa chehra aur ik chehra ban jaataa hai
ik maanus malul saa chehra kab dekhaa thaa bhuul gayaa huun

— Hameed Naseem

na yaad ki chubhan koi na koi lau malaal ki
main jaane kitni duur yunhi khud se be-khabar gayaa

— Hameed Naseem

aasudgi-aamoz ho jab aabla-paai
ho jaati hai manzil ki lagan dil mein tapaan aur

— Hameed Naseem

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

— Jafar Shirazi

kin manzilon luTe hain mohabbat ke qaafile
insaan zamin pe aaj gharib-ul-vatan saa hai

— Ada Jafarey

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

safar mein aise kai marhale bhi aate hain
har ek moD pe kuchh log chhuT jaate hain

— Aabid Adeeb

dimaagh un ke tajassus mein jism ghar mein rahaa
main apne ghar hi mein rahte hue safar mein rahaa

— Anjum Siddiqui