rishte naate TuuTe phuTe lage hain — Hanif Tarin

paani ne jise dhuup ki miTTi se banaayaa
vo daaera-e-rabt bigaDne ke liye thaa

basti ke hassaas dilon ko chubhtaa hai
sannaaTaa jab saari raat nahin hotaa

ret par jalte hue dekh saraabon ke charaagh
apne bikhraav mein vo aur sanvar jaataa hai

mahfil mein phuul khushiyon ke jo baanTtaa rahaa
tanhaai mein milaa to bahut hi udaas thaa

har zakhm-e-kohnaa vaqt ke marham ne bhar diyaa
vo dard bhi miTaa jo khushi ki asaas thaa

jin kaa yaqin raah-e-sukun ki asaas hai
vo bhi gumaan-e-dasht mein mujh ko phanse lage