basti ke hassaas dilon ko chubhtaa hai — Hanif Tarin

paani ne jise dhuup ki miTTi se banaayaa
vo daaera-e-rabt bigaDne ke liye thaa

rishte naate TuuTe phuTe lage hain
jab bhi apnaa saaya saath nahin hotaa

ret par jalte hue dekh saraabon ke charaagh
apne bikhraav mein vo aur sanvar jaataa hai

mahfil mein phuul khushiyon ke jo baanTtaa rahaa
tanhaai mein milaa to bahut hi udaas thaa

har zakhm-e-kohnaa vaqt ke marham ne bhar diyaa
vo dard bhi miTaa jo khushi ki asaas thaa

jin kaa yaqin raah-e-sukun ki asaas hai
vo bhi gumaan-e-dasht mein mujh ko phanse lage

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

bahut chhoTaa saa dil aur is mein ik chhoTi si khvaahish
so ye khvaahish bhi ab nilaam karne ke liye hai

dil mein sau tiir taraazu hue tab jaa ke khulaa
is qadar sahl na thaa jaan se guzarnaa meraa

ab e'tibaar pe ji chaahtaa to hai lekin
puraane khauf dilon se kahaan nikalte hain

tu khudaa se bhi duur hai laDki
aur dil kaaein kaaein kar rahaa hai