chaman vahi hai ghaTaaein vahi bahaar vahi — Haya Lakhnavi

nigaah-e-shauq agar dil ki tarjumaan ho jaae
to zarra zarra mohabbat kaa raaz-daan ho jaae

— Haya Lakhnavi

aah ye barsaat kaa mausam ye zakhmon ki bahaar
ho gayaa hai khun-e-dil aankhon se jaari in dinon

— Haya Lakhnavi

rahein gham ki sharar-angeziyaan yaa-rab qayaamat tak
'hayaa' gham se na milti gar kabhi fursat to achchhaa thaa

— Haya Lakhnavi

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha

sabza o gul kahaan se aae hain
abr kyaa chiiz hai havaa kyaa hai

— Mirza Ghalib

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

qaatil tiri gali bhi badaun se kam nahin
jis ke qadam qadam pe mazaar-e-shahid hai

— Mushafi Ghulam Hamdani

raat yuun dil mein tiri khoi hui yaad aai
jaise viraane mein chupke se bahaar aa jaae

— Faiz Ahmad Faiz