raat yuun dil mein tiri khoi hui yaad aai — Faiz Ahmad Faiz

na jaane kis liye ummid-vaar baiThaa huun
ik aisi raah pe jo teri rahguzar bhi nahin

har sadaa par lage hain kaan yahaan
dil sambhaale raho zabaan ki tarah

ai zulm ke maato lab kholo chup rahne vaalo chup kab tak
kuchh hashr to un se uTThegaa kuchh duur to naale jaaeinge

chaman pe ghaarat-e-gul-chin se jaane kyaa guzri
qafas se aaj sabaa be-qaraar guzri hai

sab qatl ho ke tere muqaabil se aae hain
ham log surkh-ru hain ki manzil se aae hain

karo kaj jabin pe sar-e-kafan mire qaatilon ko gumaan na ho
ki ghurur-e-ishq kaa baankpan pas-e-marg ham ne bhulaa diyaa

mere khvaabon ke jharokon ko sajaate rahiye
na sahi vasl magar yaad to aate rahiye

dil ko dukhaati hai phir bhi kyuun achchhi lagti hai
yaadon ki ye shaam suhaani dil mein qaid hui

jiyaa jaaegaa kaise haan magar jiinaa zaruri hai
tumhaari yaad aur tanhaa safar hai maan lete hain

ye sach hai ki auron hi ko tum yaad karoge
mere dil-e-naashaad ko kab shaad karoge

ham ko to yaad nahin ham pe jo guzri tujh bin
tere aage kahe jis ko ye kahaani aae

vaqt-e-rukhsat alvidaaa kaa lafz kahne ke liye
vo tire sukhe labon kaa thartharaanaa yaad hai