miri nazar mein hai anjaam is taaaqub kaa — Ibraheem Hosh

aaj zindaan mein use bhi le gae
jo kabhi ik lafz tak bolaa nahin

— Ibraheem Hosh

in hazaaron mein aur aap, ye kyaa?
aap, jo ek the hazaaron mein

— Ibraheem Hosh

rote rote mire hansne pe taajjub na karo
hai vahi chiiz magar dusre andaaz mein hai

— Ibraheem Hosh

lafzon se banaa insaan lafzon hi mein rahtaa hai
lafzon se sanvartaa hai lafzon se bigaDtaa hai

— Ibraheem Hosh

kartaa huun ek khvaab ke mubham nuqush yaad
jab se khuli hai aankh isi mashghale mein huun

— Ibraheem Hosh

tai kar ke dil kaa ziina vo ik qatra khuun kaa
palkon ki chhat tak aayaa to lekin giraa nahin

— Ibraheem Hosh

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

kaabe ko jaataa kis liye hindostaan se main
kis but mein shahr-e-hind ke shaan-e-khudaa na thi

— Rind Lakhnavi

baat karnaa pyaar ki aasaan se aasaan hai
ishq karnaa karte rahnaa hai kaThin se bhi kaThin

— Raghvendra Dwivedi

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz