har ek had se pare apnaa boriyaa le jaa — Jawayd Anwar

be-tuki raushni mein paraae andhere liye
ek manzar hai tere liye ek mere liye

ajab khvaabon se meraa raabta rakkhaa gayaa
mujhe soe-huon mein jaagtaa rakkhaa gayaa

jo din chaDhaa to hamein niind ki zarurat thi
sahar ki aas mein ham log raat bhar jaage

koi kahaani koi vaaqia sunaa to sahi
agar hansaa nahin saktaa mujhe rulaa to sahi

suno ki ab ham gulaab deinge gulaab leinge
mohabbaton mein koi khasaara nahin chalegaa

nikal gulaab ki muTThi se aur khushbu ban
main bhaagtaa huun tire pichhe aur tu jugnu ban