nikal gulaab ki muTThi se aur khushbu ban — Jawayd Anwar

be-tuki raushni mein paraae andhere liye
ek manzar hai tere liye ek mere liye

ajab khvaabon se meraa raabta rakkhaa gayaa
mujhe soe-huon mein jaagtaa rakkhaa gayaa

har ek had se pare apnaa boriyaa le jaa
badi kaa naam na le aur nekiyon se nikal

jo din chaDhaa to hamein niind ki zarurat thi
sahar ki aas mein ham log raat bhar jaage

koi kahaani koi vaaqia sunaa to sahi
agar hansaa nahin saktaa mujhe rulaa to sahi

suno ki ab ham gulaab deinge gulaab leinge
mohabbaton mein koi khasaara nahin chalegaa

shor din ko nahin sone detaa
shab ko sannaaTaa jagaa detaa hai

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

sunaa haal-e-dil-e-'majruh' shab ko
koi hasrat si hasrat thi bayaan mein

ek din aage hi duniyaa se uThaanaa ham ko
shab-e-furqat tu ilaahi na dikhaanaa ham ko

yaad karte hain tujhe dair-o-haram mein shab-o-roz
ahl-e-tasbih judaa saahib-e-zunnaar judaa