har ek shaakh ke haathon mein phuul mahkeinge — Jayant Parmar

jugnu thaa taaraa thaa kyaa thaa
darvaaze par kaun khaDaa thaa

— Jayant Parmar

bistar pe leTe leTe miri aankh lag gai
ye kaun mere kamre ki batti bujhaa gayaa

— Jayant Parmar

dil ko dukhaati hai phir bhi kyuun achchhi lagti hai
yaadon ki ye shaam suhaani dil mein qaid hui

— Jayant Parmar

lams ki vo raushni bhi bujh gai
jism ke andar andheraa aur hai

— Jayant Parmar

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

main badalte hue haalaat mein Dhal jaataa huun
dekhne vaale adaakaar samajhte hain mujhe

— Shahid Zaki

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli

dil-e-haris hi apnaa na ho sakaa qaane
vagarna tere karam mein to kuchh kami na rahi

— Soz Hoshiarpuri