rusvaa hue zalil hue dar-ba-dar hue — Khaleel Tanveer

parind unchi uDaanon ki dhun mein rahtaa hai
magar zamin ki hadon mein basar bhi kartaa hai

vo log apne aap mein kitne aziim the
jo apne dushmanon se bhi nafrat na kar sake

auron ki buraai ko na dekhun vo nazar de
haan apni buraai ko parakhne kaa hunar de

parind shaakh pe tanhaa udaas baiThaa hai
uDaan bhuul gayaa muddaton ki bandish mein

teri aamad ki muntazir aankhein
bujh gaiin khaak ho gae raste

main kyaa huun kaun huun kyaa chiiz mujh mein muzmar hai
kai hijaab uThaae magar hijaab mein huun