parind shaakh pe tanhaa udaas baiThaa hai — Khaleel Tanveer

parind unchi uDaanon ki dhun mein rahtaa hai
magar zamin ki hadon mein basar bhi kartaa hai

vo log apne aap mein kitne aziim the
jo apne dushmanon se bhi nafrat na kar sake

auron ki buraai ko na dekhun vo nazar de
haan apni buraai ko parakhne kaa hunar de

rusvaa hue zalil hue dar-ba-dar hue
haq baat lab pe aai to ham be-hunar hue

teri aamad ki muntazir aankhein
bujh gaiin khaak ho gae raste

main kyaa huun kaun huun kyaa chiiz mujh mein muzmar hai
kai hijaab uThaae magar hijaab mein huun

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

dil ek sadiyon puraanaa udaas mandir hai
umiid tarsaa huaa pyaar dev-daasi kaa

main tanhaai ko apnaa ham-safar kyaa maan baiThaa
mujhe lagtaa hai mere saath duniyaa chal rahi hai

qayaadat phir se paane ko hai ye allaama kaa nuskha
sabaq paDh le adaalat ke sadaaqat ke shujaaat ke