anaasir ki ghani zanjir hai — Khalid Mubashshir

kahin raanjhaa, kahin majnun huaa
vajud-e-ishq aalamgir hai

mujhe shak hai hone na hone pe 'khaalid'
agar huun to apnaa pataa chaahtaa huun

dasht-e-junun se aa gae shahr-e-khirad mein ham
dil ko magar ye saaneha achchhaa nahin lagaa

Tapak ke dida-e-nam se sadaaein detaa hai
jo ek harf-e-tamannaa dil-e-tabaah mein thaa

miri vahshaton kaa sabab kaun samjhe
ki main gum-shuda qaafila chaahtaa huun

tumhaari yaad kaa marham banaam-e-dil kar duun
tamaam hijr ke zakhmon ko mundamil kar duun