dasht-e-junun se aa gae shahr-e-khirad mein ham — Khalid Mubashshir

kahin raanjhaa, kahin majnun huaa
vajud-e-ishq aalamgir hai

mujhe shak hai hone na hone pe 'khaalid'
agar huun to apnaa pataa chaahtaa huun

Tapak ke dida-e-nam se sadaaein detaa hai
jo ek harf-e-tamannaa dil-e-tabaah mein thaa

miri vahshaton kaa sabab kaun samjhe
ki main gum-shuda qaafila chaahtaa huun

anaasir ki ghani zanjir hai
so ye hasti ki ik taabir hai

tumhaari yaad kaa marham banaam-e-dil kar duun
tamaam hijr ke zakhmon ko mundamil kar duun

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

main badaltaa huun roz apnaa hadaf
ye miri mustaqil-mizaaji hai

'zahur' karnaa hai ran mubaddal-ba-kisht mujh ko
main apni talvaar kuuT kar hal banaa rahaa huun

furqat mein kaar-e-vasl liyaa vaah vaah se
har aah-e-dil ke saath ik armaan nikal gayaa

baaqi na dil mein koi bhi yaa rab havas rahe
chaudah baras ke sin mein vo laakhon baras rahe