Tapak ke dida-e-nam se sadaaein detaa hai — Khalid Mubashshir

kahin raanjhaa, kahin majnun huaa
vajud-e-ishq aalamgir hai

mujhe shak hai hone na hone pe 'khaalid'
agar huun to apnaa pataa chaahtaa huun

dasht-e-junun se aa gae shahr-e-khirad mein ham
dil ko magar ye saaneha achchhaa nahin lagaa

miri vahshaton kaa sabab kaun samjhe
ki main gum-shuda qaafila chaahtaa huun

anaasir ki ghani zanjir hai
so ye hasti ki ik taabir hai

tumhaari yaad kaa marham banaam-e-dil kar duun
tamaam hijr ke zakhmon ko mundamil kar duun

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

bhigi miTTi ki mahak pyaas baDhaa deti hai
dard barsaat ki bundon mein basaa kartaa hai

hasti kaa zarra zarra taaraaj kar diyaa hai
us bevafaa ki khaatir us bevafaa ke gham mein

khush na ho aansuon ki baarish par
barq hai chashm-e-tar ke pahlu mein