jab bhi ki tahrir apni daastaan — Krishna Mohan

dil ek sadiyon puraanaa udaas mandir hai
umiid tarsaa huaa pyaar dev-daasi kaa

karein to kis se karein zikr-e-khaanaa-viraani
ki ham to aag nasheman ko khud lagaa aae

makaan andar se khasta ho gayaa hai
aur is mein ek rasta ho gayaa hai

bhaTak ke raah se ham sab ko aazmaa aae
fareb de gae jitne bhi rahnumaa aae

zindagi ke aakhiri lamhe khushi se bhar gayaa
ek din itnaa hansaa vo hanste hanste mar gayaa

jab bhi mile vo naa-gahaan jhuum uThe hain qalb o jaan
milne mein lutf hai agar milnaa ho kaam ke baghair