ham sabhi aakaash mein laTke hue — Lokesh Tripathi

vo zid karti hai lekin phir achaanak maan jaati hai
mire chehre ki rangat se vo qimat jaan jaati hai

— Lokesh Tripathi

chiiz koi nahin dusri chaahiye
baat jis ki hui thi vahi chaahiye

— Lokesh Tripathi

miraa hi man nahin lagtaa hai us mein
ki us kaa man bhi mujh se bhar gayaa hai

— Lokesh Tripathi

kamaane aur ganvaane mein bachaa paayaa huun bas itnaa
hamaare ghar puraane dost dekho ab bhi aate hain

— Lokesh Tripathi

ye shaam Dhal rahi thi ki aai khabar buri
paani ke intizaar mein ik jhiil mar gai

— Lokesh Tripathi

ham se hamaare khvaab bhi jab duur ho gae
majbur tab hue yuun ki mazdur ho gae

— Lokesh Tripathi

jinhein ye fikr nahin sar rahe rahe na rahe
vo sach hi kahte hain jab bolne pe aate hain

— Aabid Adeeb

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

us ko sochun to dhyaan mein mere
khushbu aati hai pahli baarish ki

— Vibha Jain 'Khwaab'

be-ilm shaairon kaa gila kyaa hai ai 'munir'
hai ahl-e-ilm ko tiraa tarz-e-bayaan pasand

— Muneer Shikohabadi

tere bin hayaat ki soch bhi gunaah thi
ham qarib-e-jaan tiraa hisaar dekhte rahe

— Quaiser Khalid

jab bhi ye sochne lagtaa huun ki kaun apnaa hai
zehn mein aa ke kai naam nikal jaate hain

— Abdul Wahab Sukhan