kal ye ik uunT se kahtaa thaa shuturbaan 'majid' — Majeed Lahori

jahaan rahti thi ''zoara-jaan'' kabhi
pir-saahib kaa aastaana huaa

— Majeed Lahori

chiin o arab hamaaraa hindostaan hamaaraa
rahne ko ghar nahin hai saaraa jahaan hamaaraa

— Majeed Lahori

murghiyaan kofte machhli bhune titar anDe
kis ke ghar jaaegaa sailaab-e-ghizaa mere baad

— Majeed Lahori

faatiha-khvaani mein ahbaab uDaaeinge polaav
aur kareinge miri bakhshish ki duaa mere baad

— Majeed Lahori

leaderi mein bhalaa huaa un kaa
bandagi mein miraa bhalaa na huaa

— Majeed Lahori

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

husn jalva dikhaa gayaa apnaa
ishq baiThaa rahaa udaas kahin

— Saifuddin Saif