leaderi mein bhalaa huaa un kaa — Majeed Lahori

jahaan rahti thi ''zoara-jaan'' kabhi
pir-saahib kaa aastaana huaa

— Majeed Lahori

chiin o arab hamaaraa hindostaan hamaaraa
rahne ko ghar nahin hai saaraa jahaan hamaaraa

— Majeed Lahori

murghiyaan kofte machhli bhune titar anDe
kis ke ghar jaaegaa sailaab-e-ghizaa mere baad

— Majeed Lahori

faatiha-khvaani mein ahbaab uDaaeinge polaav
aur kareinge miri bakhshish ki duaa mere baad

— Majeed Lahori

kal ye ik uunT se kahtaa thaa shuturbaan 'majid'
kaun hogaa tire ghamzon pe fidaa mere baad

— Majeed Lahori

leaderi chaaho to lafz-e-qaum hai mehmaan-navaaz
gap-navison ko aur ahl-e-mez ko raazi karo

— Akbar Allahabadi

donon ke dil mein khauf thaa maidaan-e-jang mein
donon kaa khauf faasla thaa darmiyaan kaa

— Mohammad Alvi

is mein nahin hai dakhl koi khauf o hirs kaa
is ki jazaa, na is ki sazaa hai, ye ishq hai

— Irfan Sattar

vahi be-vajh udaasi vahi be-naam khalish
raah-o-rasm-e-dil-e-naakaam se ji Dartaa hai

— Javed Kamal Rampuri

Dar rahaa huun ki sar-e-shaam tiri aankhon mein
main ne jo vaqt guzaaraa hai koi dekh na le

— Javed Saba

yahi milne kaa samay bhi hai bichhaDne kaa bhi
mujh ko lagtaa hai bahut apne se Dar shaam ke baad

— Krishn Bihari Noor