yahi milne kaa samay bhi hai bichhaDne kaa bhi — Krishn Bihari Noor

sach ghaTe yaa baDhe to sach na rahe
jhuuT ki koi intihaa hi nahin

— Krishn Bihari Noor

itne hisson mein baT gayaa huun main
mere hisse mein kuchh bachaa hi nahin

— Krishn Bihari Noor

jitne mausam hain sabhi jaise kahin mil jaaein
in dinon kaise bataaun jo fazaa hai mujh mein

— Krishn Bihari Noor

mausam hain do hi ishq ke surat koi bhi ho
hain us ke paas aaine hijr-o-visaal ke

— Krishn Bihari Noor

ho vaapsi agar to inhein raaston se ho
jin raaston se pyaar tiraa le gayaa mujhe

— Krishn Bihari Noor

main jis ke haath mein ik phuul de ke aayaa thaa
usi ke haath kaa patthar miri talaash mein hai

— Krishn Bihari Noor

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

ghulaami mein na kaam aati hain shamshirein na tadbirein
jo ho zauq-e-yaqin paidaa to kaT jaati hain zanjirein

— Allama Iqbal

maarka garm to ho lene do khun-rezi kaa
pahle shamshir ke niche hamin jaa baiTheinge

— Mir Taqi Mir

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

— Asim Wasti

gul kiyaa jis ne vo thaa aur magar
shama ne shikva havaaon se kiyaa

— Tilok Chand Kausar