jazbon ko zabaan de rahaa huun — Majid Siddiqui

kaun apnaa hai ik khudaa vo bhi
rahne vaalaa hai aasmaanon kaa

tohmat si liye phirte hain sadiyon se sar apne
rusvaa hai bahut naam yahaan ahl-e-hunar kaa

ye safar apnaa kahin jaanib-e-mahshar hi na ho
ham liye kis kaa janaaza hain ye ghar se nikle

milaa hai takht kise kaun takht par na rahaa
ye baat aur hai jaari thaa jo safar na rahaa

saamne us yaar ke bhi aur sar-e-darbaar bhi
ek ye dil thaa jise har baar khuun karnaa paDaa