ye safar apnaa kahin jaanib-e-mahshar hi na ho — Majid Siddiqui

jazbon ko zabaan de rahaa huun
main vaqt ko daan de rahaa huun

kaun apnaa hai ik khudaa vo bhi
rahne vaalaa hai aasmaanon kaa

tohmat si liye phirte hain sadiyon se sar apne
rusvaa hai bahut naam yahaan ahl-e-hunar kaa

milaa hai takht kise kaun takht par na rahaa
ye baat aur hai jaari thaa jo safar na rahaa

saamne us yaar ke bhi aur sar-e-darbaar bhi
ek ye dil thaa jise har baar khuun karnaa paDaa

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

safar mein aise kai marhale bhi aate hain
har ek moD pe kuchh log chhuT jaate hain

yuun to maujud apne ghar mein hai
aadmi mustaqil safar mein hai

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

shaikh le hai raah kaabe ki barahman dair ki
ishq kaa rasta judaa hai kufr aur islaam se