hai isi baat kaa malaal mujhe — Manzar Suhai

ishq pe ijtihaad kar kar ke
mujtahid ho gayaa huun main gham kaa

mohabbat ki bhi to ik bevafaa se
ye qatl-e-khud nahin to aur kyaa hai

hone do agar ho gae kuchh log bure bhi
gulshan mein agar phuul hain to khaar bhi honge

laDkaa na koi phir se ho barbaad dahr mein
tujh par na jaaein beTiyaan teri khudaa kare

miri nigaah ko gar teri diid ho jaae
qasam khudaa ki miri iid iid ho jaae

raahon ke pattharon kaa bhalaa kyaa gila karun
ab aadmi ke dil bhi to patthar ke ho gae