raahon ke pattharon kaa bhalaa kyaa gila karun — Manzar Suhai

mohabbat ki bhi to ik bevafaa se
ye qatl-e-khud nahin to aur kyaa hai

hai isi baat kaa malaal mujhe
ki mujhe ab koi malaal nahin

hone do agar ho gae kuchh log bure bhi
gulshan mein agar phuul hain to khaar bhi honge

laDkaa na koi phir se ho barbaad dahr mein
tujh par na jaaein beTiyaan teri khudaa kare

miri nigaah ko gar teri diid ho jaae
qasam khudaa ki miri iid iid ho jaae

ishq pe ijtihaad kar kar ke
mujtahid ho gayaa huun main gham kaa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

botalein khol kar to pi barson
aaj dil khol kar bhi pi jaae

vo gulaabi baadalon mein ek niili jhiil si
hosh qaaem kaise rahte thaa hi kuchh aisaa libaas

kunj-e-hairat se chale dasht-e-ziyaan tak laae
kaun laa saktaa hai ham dil ko jahaan tak laae

tum ne kyuun dil mein jagah di hai buton ko 'saabir'
tum ne kyuun kaaba ko but-khaana banaa rakkhaa hai