junun ne dast-kaari aisi bhi ki — Meer Mohammadi Bedar

nahin kuchh abr hi shaagird meri ashk-baari kaa
sabaq leti hai mujh se barq bhi aa be-qaraari kaa

kis tarah haal-e-dil kahun us gul se baagh mein
phirti hai us ke saath to har-dam sabaa lagi

ayaan hai shakl tiri yuun hamaare siina se
ki juun sharaab numaayaan ho aabgina se

saaye se apne vahshat karte hain misl-e-aahu
mushkil hai haath lagnaa az-khud ramidgaan kaa

gar kisi ghair ko farmaaoge tab jaanoge
ve hamin hain ki bajaa laavein jo irshaad karo

jaataa hai chalaa qaafila-e-ashk shab o roz
maalum nahin us kaa iraada hai kahaan kaa