harf ko lafz na kar lafz ko izhaar na de — Mohammad Ahmad Ramz

kaun puchhe mujh se meri gosha-giri kaa sabab
kaun samjhe dar kabhi divaar kar lenaa miraa

'ramz' adhure khvaabon ki ye ghaTti baDhti chhaanv
tum se dekhi jaae to dekho mujh se na dekhi jaae

us kaa tarkash khaali hone vaalaa hai
mere naam kaa tiir hai kitne tiron mein

aur koi duniyaa hai teri jis ki khoj karun
zehn mein phir ik samt bikheri raahguzar Daali

tum aa gae ho tum mujh ko zaraa sambhalne do
abhi to nashsha saa aankhon mein intizaar kaa hai

ab ke vasl kaa mausam yunhi bechaini mein biit gayaa
us ke honTon par chaahat kaa phuul khilaa bhi kitni der