raakhiyaan le ke silonon ki barahman niklein — Mohsin Kakorvi

daaman se vo ponchhtaa hai aansu
rone kaa kuchh aaj hi mazaa hai

dekhiye hogaa shri-krishn kaa darshan kyun-kar
sina-e-tang mein dil gopiyon kaa hai bekal

sunaa hai mohtasib bhi taak mein hai dukhtar-e-raz ki
ilaahi rakh le tu hurmat sharaab-e-arghavaani ki

pyaaso raho na dasht mein baarish ke muntazir
maaro zamin pe paanv ki paani nikal paDe

ghaTaa dekh kar khush huiin laDkiyaan
chhaton par khile phuul barsaat ke

shahr ki galiyon mein gahri tirgi giryaan rahi
raat baadal is tarah aae ki main to Dar gayaa

baarish ki bahut tez havaa mein kahin mujh ko
darpesh thaa ik marhala jalne ki tarah kaa

mere us ke darmiyaan haail kai kohsaar hain
mujh tak aate-aate baadal tishna-lab ho jaaegaa

hijr-e-jaanaan mein bhi aansu nahin aae mere
khushk sahraaon mein barsaat kabhi to hogi