us ko dhundlaa na sakegaa kabhi lamhon kaa ghubaar — Mubarak Shamim

nazar aati nahin hain kam-nazar ko
saraabon ke jigar mein naddiyaan hain

— Mubarak Shamim

muddat guzri Duub chukaa huun dard ki pyaasi lahron mein
zinda huun ye koi na jaane saans ke aane jaane se

— Mubarak Shamim

tumhaari yaad ke saae bhi kuchh simaT se gae
ghamon ki dhuup to baahar thi aks andar thaa

— Mubarak Shamim

kyaa khabar kab qaid-e-baam-o-dar se uktaa jaae dil
bastiyon ke darmiyaan sahraa bhi honaa chaahiye

— Mubarak Shamim

jo saaya-daar shajar the vo sarf-e-daar hue
dikhaai dete nahin duur duur tak saae

— Mubarak Shamim

bol kis moD pe huun kashmakash-e-marg-o-hayaat
aise aalam mein kahaan chhoD diyaa hai mujh ko

— Mubarak Shamim

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

dil-e-haris hi apnaa na ho sakaa qaane
vagarna tere karam mein to kuchh kami na rahi

— Soz Hoshiarpuri

chaand ne taan li hai chaadar-e-abr
ab vo kapDe badal rahi hogi

— Jaun Elia

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal