tumhaari yaad ke saae bhi kuchh simaT se gae — Mubarak Shamim

nazar aati nahin hain kam-nazar ko
saraabon ke jigar mein naddiyaan hain

muddat guzri Duub chukaa huun dard ki pyaasi lahron mein
zinda huun ye koi na jaane saans ke aane jaane se

kyaa khabar kab qaid-e-baam-o-dar se uktaa jaae dil
bastiyon ke darmiyaan sahraa bhi honaa chaahiye

jo saaya-daar shajar the vo sarf-e-daar hue
dikhaai dete nahin duur duur tak saae

bol kis moD pe huun kashmakash-e-marg-o-hayaat
aise aalam mein kahaan chhoD diyaa hai mujh ko

us ko dhundlaa na sakegaa kabhi lamhon kaa ghubaar
meri hasti kaa varaq yunhi khulaa rahne de

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

husn jalva dikhaa gayaa apnaa
ishq baiThaa rahaa udaas kahin

yakka ulaT ke rah gayaa ghoDaa bhaDak gayaa
kaali saDak pe chaand saa chehra chamak gayaa

halqa-e-zanjir se niklaa na ye paa-e-junun
gham nahin baahar gayaa go halqa-e-islaam se