ham nahin the to kyaa kami thi yahaan — Munawwar Rana

is tarah mere gunaahon ko vo dho deti hai
maan bahut ghusse mein hoti hai to ro deti hai

ek aansu bhi hukumat ke liye khatra hai
tum ne dekhaa nahin aaankhon kaa samundar honaa

ye soch kar ki tiraa intizaar laazim hai
tamaam umr ghaDi ki taraf nahin dekhaa

phir karbalaa ke baa'd dikhaai nahin diyaa
aisaa koi bhi shakhs ki pyaasaa kahein jise

kal apne-aap ko dekhaa thaa maan ki aankhon mein
ye aaina hamein buDhaa nahin bataataa hai

tumhaari aankhon ki tauhin hai zaraa socho
tumhaaraa chaahne vaalaa sharaab piitaa hai