vaah kyaa us gul-badan kaa shokh hai rang-e-badan — Muzaffar Ali Aseer

maghfirat ki nazar aati hai bas itni surat
ham gunaahon se pashemaan rahaa karte hain

— Muzaffar Ali Aseer

raunaq gulshan jo vo rind-e-sharaabi ho gayaa
phuul saaghar ban gayaa ghuncha gulaabi ho gayaa

— Muzaffar Ali Aseer

nazzaara-e-qaatil ne kiyaa mahv ye ham ko
gardan pe chamakti hui shamshir na sujhi

— Muzaffar Ali Aseer

kaabe chaltaa huun par itnaa to bataa
mai-kada koi hai zaahid raah mein

— Muzaffar Ali Aseer

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

sabza o gul kahaan se aae hain
abr kyaa chiiz hai havaa kyaa hai

— Mirza Ghalib

qaatil tiri gali bhi badaun se kam nahin
jis ke qadam qadam pe mazaar-e-shahid hai

— Mushafi Ghulam Hamdani

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha

jaise ye mez miTTi kaa haathi ye phuul
ek kone mein ham bhi hain rakkhe hue

— Shariq Kaifi