kaabe chaltaa huun par itnaa to bataa — Muzaffar Ali Aseer

maghfirat ki nazar aati hai bas itni surat
ham gunaahon se pashemaan rahaa karte hain

raunaq gulshan jo vo rind-e-sharaabi ho gayaa
phuul saaghar ban gayaa ghuncha gulaabi ho gayaa

nazzaara-e-qaatil ne kiyaa mahv ye ham ko
gardan pe chamakti hui shamshir na sujhi

vaah kyaa us gul-badan kaa shokh hai rang-e-badan
jaama-e-aabi agar pahnaa gulaabi ho gayaa

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

safar mein aise kai marhale bhi aate hain
har ek moD pe kuchh log chhuT jaate hain

yuun to maujud apne ghar mein hai
aadmi mustaqil safar mein hai

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

kyaa huaa arsh par gayaa naala
dil mein us shokh ke to raah na ki