nazzaara-e-qaatil ne kiyaa mahv ye ham ko — Muzaffar Ali Aseer

maghfirat ki nazar aati hai bas itni surat
ham gunaahon se pashemaan rahaa karte hain

raunaq gulshan jo vo rind-e-sharaabi ho gayaa
phuul saaghar ban gayaa ghuncha gulaabi ho gayaa

vaah kyaa us gul-badan kaa shokh hai rang-e-badan
jaama-e-aabi agar pahnaa gulaabi ho gayaa

kaabe chaltaa huun par itnaa to bataa
mai-kada koi hai zaahid raah mein

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

maarka garm to ho lene do khun-rezi kaa
pahle shamshir ke niche hamin jaa baiTheinge

ghazal mein jab talak ehsaas ki shiddat na ho shaamil
faqat alfaaz ki kaarigari mahsus hoti hai

gul kiyaa jis ne vo thaa aur magar
shama ne shikva havaaon se kiyaa

fardaa ko duur hi se hamaaraa salaam hai
dil apnaa shaam hi se charaagh-e-sahar huaa

dho ke tu meraa lahu apne hunar ko na chhupaa
ki ye surkhi tiri shamshir kaa jauhar hi to hai