akele ghar se puchhti hai be-kasi — Nasir Kazmi

kuchh yaadgaar-e-shahr-e-sitamgar hi le chalein
aae hain is gali mein to patthar hi le chalein

vo raat kaa be-navaa musaafir vo teraa shaair vo teraa 'naasir'
tiri gali tak to ham ne dekhaa thaa phir na jaane kidhar gayaa vo

girafta-dil hain bahut aaj tere divaane
khudaa kare koi tere sivaa na pahchaane

jurm-e-ummid ki sazaa hi de
mere haq mein bhi kuchh sunaa hi de

daaem aabaad rahegi duniyaa
ham na honge koi ham saa hogaa

nae kapDe badal kar jaaun kahaan aur baal banaaun kis ke liye
vo shakhs to shahr hi chhoD gayaa main baahar jaaun kis ke liye