Nasir Kazmi

vo raat ka be-nava musafir vo tera sha.ir vo tera 'nasir'
tiri gali tak to ham ne dekha tha phir na jaane kidhar gaya vo

unhen sadiyon na bhulega zamana
yahan jo hadse kal ho ga.e hain

apni dhun men rahta huun
main bhi tere jaisa huun

kal jo tha vo aaj nahin jo aaj hai kal miT ja.ega
rukhi-sukhi jo mil jaa.e shukr karo to behtar hai

raat kitni guzar ga.i lekin
itni himmat nahin ki ghar jaa.en

hal-e-dil ham bhi sunate lekin
jab vo rukhsat hua tab yaad aaya

kuchh yaadgaar-e-shahr-e-sitamgar hi le chalein
aae hain is gali mein to patthar hi le chalein

vo raat kaa be-navaa musaafir vo teraa shaair vo teraa 'naasir'
tiri gali tak to ham ne dekhaa thaa phir na jaane kidhar gayaa vo

akele ghar se puchhti hai be-kasi
tiraa diyaa jalaane vaale kyaa hue

girafta-dil hain bahut aaj tere divaane
khudaa kare koi tere sivaa na pahchaane

jurm-e-ummid ki sazaa hi de
mere haq mein bhi kuchh sunaa hi de

nae kapDe badal kar jaaun kahaan aur baal banaaun kis ke liye
vo shakhs to shahr hi chhoD gayaa main baahar jaaun kis ke liye