nae kapDe badal kar jaaun kahaan aur baal banaaun kis ke liye — Nasir Kazmi

vo raat kaa be-navaa musaafir vo teraa shaair vo teraa 'naasir'
tiri gali tak to ham ne dekhaa thaa phir na jaane kidhar gayaa vo

akele ghar se puchhti hai be-kasi
tiraa diyaa jalaane vaale kyaa hue

girafta-dil hain bahut aaj tere divaane
khudaa kare koi tere sivaa na pahchaane

jurm-e-ummid ki sazaa hi de
mere haq mein bhi kuchh sunaa hi de

daaem aabaad rahegi duniyaa
ham na honge koi ham saa hogaa

kuchh yaadgaar-e-shahr-e-sitamgar hi le chalein
aae hain is gali mein to patthar hi le chalein

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

nazar mein be-rukhi lab par tabassum
na jaane dil mein kyaa Thaane hue hain

muntazir chashm bhi hai qalb bhi hai jaan bhi hai
aap ke aane ki hasrat bhi hai armaan bhi hai

dukhtar-e-darzi kaa siina dekh kar
dil mein ye aayaa ki mal mal dijiye

jab itni bevafaai par dil us ko pyaar kartaa hai
to yaa-rab vo sitam-gar baa-vafaa hotaa to kyaa hotaa