tafsil-e-inaayaat to ab yaad nahin hai — Rafique Khayal

baat to jab hai ki jazbon se sadaaqat phuTe
yuun to daavaa hai har ik shakhs ko sachchaai kaa

tum samundar ke sahme hue josh ko meraa paighaam denaa
mausam-e-habs mein phir koi aaj taaza havaa chaahtaa hai

mere khvaabon ke jharokon ko sajaate rahiye
na sahi vasl magar yaad to aate rahiye

koi viraani si viraani hai
dasht ko dekh ke ghar yaad aayaa

yaad aai hai to phir TuuT ke yaad aai hai
koi guzri hui manzil koi bhuli hui dost

uThaa sakte nahin jab chuum kar hi chhoDnaa achchhaa
mohabbat kaa ye patthar is dafa bhaari ziyaada hai

thak gayaa hai dil-e-vahshi miraa fariyaad se bhi
ji bahaltaa nahin ai dost tiri yaad se bhi

phir mujhe dida-e-tar yaad aayaa
dil jigar tishna-e-fariyaad aayaa