tumhaari raah mein aankhein bichhaae baiThaa huun — Rana Gannauri

khud taraashnaa patthar aur khudaa banaa lenaa
aadmi ko aataa hai kyaa se kyaa banaa lenaa

— Rana Gannauri

zindagi kaa bhi kiyaa bharosaa hai
zindagi ki qasam bhi kyaa khaaun

— Rana Gannauri

hamaaraa dil to gham mein bhi khushi mahsus kartaa hai
vahi mushkil mein rahte hain jo gham ko gham samajhte hain

— Rana Gannauri

har ik ki hai pasand apni har ik kaa hai mizaaj apnaa
vafaa mujh ko pasand aai pasand aai jafaa us ko

— Rana Gannauri

ab mujhe thoDi si ghaflat se bhi Dar lagtaa hai
aankh lagti hai ki divaar se sar lagtaa hai

— Rana Gannauri

tumhein ai kaash koi raaz ye samjhaa gayaa hotaa
agar sunte to kahne kaa saliqa aa gayaa hotaa

— Rana Gannauri

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

— Jafar Shirazi

dimaagh un ke tajassus mein jism ghar mein rahaa
main apne ghar hi mein rahte hue safar mein rahaa

— Anjum Siddiqui

kin manzilon luTe hain mohabbat ke qaafile
insaan zamin pe aaj gharib-ul-vatan saa hai

— Ada Jafarey

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

yuun to maujud apne ghar mein hai
aadmi mustaqil safar mein hai

— Saleem Amrohvi