ham na aae junun ke bas mein kabhi — Riasath Ali Asrar

chaandni surkh si dikhaai de
ye moharram kaa chaand hai 'asraar'

be-karaan dasht-e-tasavvur mein bhaTakne ke nuqush
mauj-dar-mauj saraabon se ubharte honge

aap ham se judaa nahin hote
aap par ikhtiyaar hai koi

kyaa us se bichhaDte ki mile hi na the jis se
ik-tarfa mohabbat ke bhi hain zaaviye kyaa kyaa

apni zanjir-e-paa ko dekhtaa huun
us ki paazeb yaad aati hai

mahv hain hazrat-e-khayaal apne
haal-e-dil mein muraaqiba baandhe