aap ham se judaa nahin hote — Riasath Ali Asrar

chaandni surkh si dikhaai de
ye moharram kaa chaand hai 'asraar'

ham na aae junun ke bas mein kabhi
ye garebaan khirad ne chaak kiyaa

be-karaan dasht-e-tasavvur mein bhaTakne ke nuqush
mauj-dar-mauj saraabon se ubharte honge

kyaa us se bichhaDte ki mile hi na the jis se
ik-tarfa mohabbat ke bhi hain zaaviye kyaa kyaa

apni zanjir-e-paa ko dekhtaa huun
us ki paazeb yaad aati hai

mahv hain hazrat-e-khayaal apne
haal-e-dil mein muraaqiba baandhe

jab ki pahlu se yaar uThtaa hai
dard be-ikhtiyaar uThtaa hai

hamaari aankhon mein bas gayaa hai ajiib punjab aansuon kaa
idhar se raavi chalaa udhar se chanaab tayyaar ho rahaa hai

sau sau umidein bandhti hai ik ik nigaah par
mujh ko na aise pyaar se dekhaa kare koi

zindagi kyaa hai aaj ise ai dost
soch lein aur udaas ho jaaein

ab yaad-e-raftagaan ki bhi himmat nahin rahi
yaaron ne kitni duur basaai hain bastiyaan

yaaraan-e-be-bisaat ki har baazi-e-hayaat
khele baghair haar gae maat ho gai