mahv hain hazrat-e-khayaal apne — Riasath Ali Asrar

ham na aae junun ke bas mein kabhi
ye garebaan khirad ne chaak kiyaa

be-karaan dasht-e-tasavvur mein bhaTakne ke nuqush
mauj-dar-mauj saraabon se ubharte honge

aap ham se judaa nahin hote
aap par ikhtiyaar hai koi

kyaa us se bichhaDte ki mile hi na the jis se
ik-tarfa mohabbat ke bhi hain zaaviye kyaa kyaa

apni zanjir-e-paa ko dekhtaa huun
us ki paazeb yaad aati hai

chaandni surkh si dikhaai de
ye moharram kaa chaand hai 'asraar'

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

sunaa haal-e-dil-e-'majruh' shab ko
koi hasrat si hasrat thi bayaan mein

pechidgi-e-taba ki ye saaf hai dalil
maani ulajh ke rah gae un ke kalaam mein

laakh aabaad-e-tamannaa ho ke dil
phir bhi viraan hai na jaane kis liye

khushi daaman-kashaan hai dil asir-e-gham hai barson se
hamaari zindagi kaa ek hi aalam hai barson se