paron ko khol de zaalim jo band kartaa hai — Rind Lakhnavi

kaabe ko jaataa kis liye hindostaan se main
kis but mein shahr-e-hind ke shaan-e-khudaa na thi

— Rind Lakhnavi

ham jo kahte hain saraasar hai ghalat
sab bajaa aap jo farmaaiyegaa

— Rind Lakhnavi

kaafir huun na phunkun jo tire kaabe mein ai shaikh
naaqus baghal mein hai musallaa na samajhnaa

— Rind Lakhnavi

mai pilaa aisi ki saaqi na rahe hosh mujhe
ek saaghar se do aalam hon faraamosh mujhe

— Rind Lakhnavi

mai-kash huun vo ki puchhtaa huun uTh ke hashr mein
kyuun ji sharaab ki hain dukaanein yahaan kahin

— Rind Lakhnavi

maut aa jaae qaid mein sayyaad
aarzu ho agar rihaai ki

— Rind Lakhnavi

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

mere khvaabon ke jharokon ko sajaate rahiye
na sahi vasl magar yaad to aate rahiye

— Jatinder Vir Yakhmi Jayaveer

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

koi viraani si viraani hai
dasht ko dekh ke ghar yaad aayaa

— Mirza Ghalib

tumhaari yaad nikalti nahin mire dil se
nasha chhalaktaa nahin hai sharaab se baahar

— Faheem Shanas Kazmi

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

— Zafar Iqbal