maut aa jaae qaid mein sayyaad — Rind Lakhnavi

ham jo kahte hain saraasar hai ghalat
sab bajaa aap jo farmaaiyegaa

kaafir huun na phunkun jo tire kaabe mein ai shaikh
naaqus baghal mein hai musallaa na samajhnaa

mai pilaa aisi ki saaqi na rahe hosh mujhe
ek saaghar se do aalam hon faraamosh mujhe

mai-kash huun vo ki puchhtaa huun uTh ke hashr mein
kyuun ji sharaab ki hain dukaanein yahaan kahin

tabiat ko hogaa qalaq chand roz
Thaharte Thaharte Thahar jaaegi

agari kaa hai gumaan shak hai malaagiri kaa
rang laayaa hai dupaTTa tiraa mailaa ho kar

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

kaun letaa thaa naam majnun kaa
jab ki ahd-e-junun hamaaraa thaa

baad mere jo kiyaa shaad kisi ko to kahaa
ham ko is vaqt vo naashaad bahut yaad aayaa

but-parasti mein bhi bhuli na mujhe yaad-e-khudaa
haath mein subha gale mein mire zunnaar rahaa

yahaan kotaahi-e-zauq-e-amal hai khud giraftaari
jahaan baazu simaTte hain vahin sayyaad hotaa hai