tumhaari yaad nikalti nahin mire dil se — Faheem Shanas Kazmi

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

kisi ke dil mein utarnaa hai kaar-e-laa-haasil
ki saari dhuup to hai aaftaab se baahar

jin ko chhu kar kitne 'zaidi' apni jaan ganvaa baiThe
mere ahd ki shahnaazon ke jism baDe zahrile the

phir vahi shaam vahi dard vahi apnaa junun
jaane kyaa yaad thi vo jis ko bhulaae gae ham

bichhaD ke tujh se tiri yaad bhi nahin aai
makaan ki samt palaT kar makin nahin aayaa

usi ne chaand ke pahlu mein ik charaagh rakhaa
usi ne dasht ke zarron ko aaftaab kiyaa

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

ai vahshat-e-sahraa mire qadmon se lipaT jaa
ab is se ziyaada to bikharne se rahaa main

chal diye su-e-haram ku-e-butaan se 'momin'
jab diyaa ranj buton ne to khudaa yaad aayaa

uljhaa hai paanv yaar kaa zulf-e-daraaz mein
lo aap apne daam mein sayyaad aa gayaa

kabhi ham mein tum mein bhi chaah thi kabhi ham se tum se bhi raah thi
kabhi ham bhi tum bhi the aashnaa tumhein yaad ho ki na yaad ho