ham-mizaaji kaa na yuun daa'vaa karo — Rohit Rahi

paarsaai kaa tujhe 'rohit' milegaa kyaa samar
kahte hain duniyaa jise sadiyon se be-tartib hai

in bahaaron ki havaaon ko shikaayat ham se hai
ham kali ko lams se gul karte hain jaan-e-jigar

'ishq ki fitrat sadaa aazaad hai
qaid mein dair-o-haram ki kab rahaa

qaid kyaa dair-o-haram ki zaahido
jalva-gar hai har taraf meraa sanam

huun khafaa saare zamaane se faqat tere liye
'ishq ki tauhid mere tu kabhi to jaanegaa

pattharon ke ye sanam sunte hain kab
kaifiyat apni khudaa hi jaane hain